Gazetaraj Komunikoj de UEA
N-ro 1128
2023-09-14

ĈU VI VOLAS TRAPASI ESPERANTO-EKZAMENON RETE EN 2024?

La unulingvaj Esperanto-ekzamenoj de UEA laŭ la Komuna Eŭropa Referenckadro (KER-ekzamenoj) estas unu el la plej gravaj servoj de UEA, realigataj de sia KER-Ekzamena Centro (KER-EC), kunlabore kun la Akademio de Esperanto kaj la retejo Edukado.net. Ili ekzistas en la niveloj B1, B2, C1 kaj C2 kaj eblas ilin trapasi surloke, en specifaj okazoj, aŭ rete, laŭ specifa kalendaro. Por la jaro 2024 KER-EC planas retajn ekzamenojn je ĉiuj niveloj. Ankoraŭ ne estas certe pri surlokaj ekzamenoj. Pro tio tre gravas, ke interesatoj respondu enketon, per kiu eblas indiki sian interesiĝon trapasi la ekzamenon rete. La respondoj al la enketo povas influi la elekton de la ekzamenperiodo. La enketilo por la jaro 2024 jam disponeblas ĉe Edukado.net kaj UEA bonvenigas interesatojn ĝin respondi: https://edukado.net/ekzamenoj/ker/! enketilo< /span>.

La ekzamensistemo por la niveloj B1, B2 kaj C1 estas validigita de la ŝtata ekzamencentro ORIGO de la Universitato Eötvös Loránd de Budapeŝto. La ekzamensistemo por la nivelo C2 estas validigita de la Akademio de Esperanto. La KER-ekzamenoj estas speciala stimulo al Esperanto-parolantoj je progreso kaj perfektiĝo en la kono kaj uzo de nia lingvo. Ili ekzistas laŭ la tipoj nur skriba, nur parola kaj kompleksa (skriba plus parola). Tiuj, kiuj neniam antaŭe ekzameniĝis, povas elekti la nivelon kaj la tipon en kiu oni fidas sukcesi. Tiuj, kiuj jam sukcesis en iu nivelo kaj/aŭ tipo povas konsideri novan ekzameniĝon je pli alta nivelo kaj aliaj tipoj, se ne temis pri C2 kompleksa. Specimenoj pri ĉiuj niveloj kaj tipoj troviĝas ĉe Edukado.net: https://edukado.net/ekzamenoj/ker/specimenoj. Por ekzerci sin en la parolado (kaj ensociiĝi) UEA rekomendas la programon Ekparolu! de Edukado.net: https://edukado.net/ekparolu/prezento. Por regula legado kaj aŭskultado de tekstoj en facila Esperanto: https://uea.facila.org.

Aldone en la enketilo respondantoj povas informi, ĉu ili ŝatus partopreni apartan preparsesion por la retaj ekzamenoj (per Zoom), kiun KER-EC okazigos je unu-du monatoj antaŭ la anoncota dato de la ekzamenoj. Ankaŭ eblas informi ĉu oni ŝatus trapasi prov-ekzamenon, per kiu oni povas en la ekzamenpaĝo interage solvi malnovan teston kaj ekscii sian rezulton. Tia simulita ekzameno multe povos helpi en tio, ke oni povu bone taksi sian nivelon. UEA kuraĝigas ĉiujn esperantistojn prepariĝi kaj trapasi KER-ekzamenon. Pri la KER-Ekzamena Centro de UEA respondecas Katalin Kováts (direktorino), Zsófia Kóródy (reprezentanto de UEA ĉe Asocio de Lingvo-Testantoj en Eŭropo - ALTE) kaj Renato Corsetti (konsilanto).

Saluton gekaraj ,

ni ANF-anoj ĉiam dankegas vin pro viaj subtenoj, kiuj antaŭenigas nian ANF-n. Ni esperas ke vi tiel daŭrigos laŭ viaj povoj.

Karaj, vi jam faris multon laŭ viaj povoj kaj ofte individuaj helpoj limiĝas. Bedaŭrinde ne sufiĉas por la bezonoj de ĉiuj infanoj niaj. Tial ni volas dividi kun vi la jenajn proponojn petante al ĉiuj de vi kaj dankos ricevi viajn reagojn:

-   Ĉu  vi povus serĉi en viaj landoj organizojn aŭ fondaĵojn por subteni ANF efike? Ĉar individuaj helpoj limiĝas.

-  Ĉu vi bonvolus pluinformi viajn geamikojn, ankaŭ neesperantistojn pri nia ANF? Ĉar helpemaj homoj estas ĉie.

Ni plezuras raporti al vi ke ĉi-studojare 2023-2024 ni disdonis dank’ al helpantoj lernomaterialojn al 45 infanoj de la bazaj lernejoj, 45 infanoj de la mezaj lernejoj. Do de 215 infanoj, kiujn nombras nun nia ANF, vi komprenas ke multaj ne ricevis, kaj tiuj venadas ĉe mi volante scii ĉu ili ankaŭ povos iri al la lernejo / studos? MI NE SCIAS KION RESPONDI. Tial ni ripetas al vi helpantoj niaj, ĉu vi havas eblecon rehelpi por ke la aliaj ricevu la lernomaterialojn? Aliaj  freŝajn informojn vi bonvolos trovi baldaŭ je tiu ĉi ligilo: https://docs.google.com/presentation/d/1IGcBH9AaHPSGuXR24utwHd8KcmUMjWafHCStMn_x2VQ/edit#slide=id.g25f1b877601_0_232 .

Niaj novaĵoj estas: Nia ANF ekluprenis domon kiu iĝis la orfejo nomita ,,Orfejo Klara Zamenhof'', la infanoj venadas tien por lerni Esperanton, ludi (bedaŭrinde ni havas nur kelkajn ludilojn kaj ni bezonas pliajn). Iu bonkorulo aĉetis por ni du kudromaŝinojn kaj pluraj knabinoj eklernis kudri. Jam ili iomete scipovas kudri ĉar ili estas kudrantaj robojn, jupojn kaj kulotojn, kiujn ni disdonadas al niaj prizorgataj georfoj, kiuj portadis tiajn truitajn. Bedaŭrinde du kudromaŝinoj ne sufiĉas por ĉiuj, tial vi vidos sur la fotoj kiel multaj knabinoj ĉirkaŭas tiujn du krudromaŝinojn. Ni do bezonas pliajn por efike instrui kudradon kaj kudri la necesajn vestaĵojn.

Gekaraj,

ni profitas memorigi al vi :

Ĉe la baza lernejo unu kompleto po jare kaj po infano = 45$ (sako, kajeroj, krajonoj, ŝuoj, uniformo aŭ lerneja vestaĵo ktp).
Ĉe la mezlernejo unu kompleto po jare kaj po infano = 50$ (sako, kajeroj, krajonoj, ŝuoj, uniformo aŭ lerneja vestaĵo ktp).
Ĉe la universitato unu kompleto po jarekaj po infano = 30$ (sako, ŝuoj, paperoj).

Por ke vi estu certaj pri la pasinta disdonado de la lernejaj materialoj antaŭ pluraj tagoj, jen alkroĉitaj fotoj de kiam ni faris tion.

Ni antaŭdankas al ĉiu donacemulo kaj leganto de tiu-ĉi mesaĝo.

Por mondonaci bonvolu malfermi la jenan ligilon nian :

https://www.esperanto.de/eo/asocio-nova-familio-eo

Nome de la Asocio Nova Familio
Augustin KAKOZWA kaj Betti MAUL

Gazetaraj Komunikoj de UEA
N-ro 1121
2023-08-28

PETSKRIBO POR LA REAPERIGO DE LA ESPERANTO-KURSOJ ĈE DUOLINGO

Sub la kunordigo de Tutmonda Esperantista Junulara Organizo (TEJO), Brazila Esperantista Junulara Organizo (BEJO), Meksika Esperanto-Federacio (MEF) kaj Argentina Esperanto-Ligo (AEL), diversaj Esperanto-aktivuloj kreis petskribon kiu pledas, interalie, por la reaperigo de la Esperanto-kursoj por hispan-, portugal- kaj franclingvanoj ĉe la lingvolerna retejo kaj apo Duolingo.

Preskaŭ ĉiuj esperantistoj jam uzis aŭ almenaŭ aŭdis pri tiu fama lingvolernilo kiu, per siaj kursoj kiuj entute atingis pli ol milionon da aliĝintoj, en la lastaj jaroj grave kontribuis al la disvastigado kaj al la lernado de Esperanto tutmonde. Reciproke, la Esperanto-komunumo engaĝiĝis en la disvastigado kaj en la kunkreado de Duolingo, realigante eventojn kaj lecionojn kadre de la sistemoj de Duolingo kaj mem volontule kreante la Esperanto-kursojn.

Tamen lastatempe okazis gravaj ŝanĝoj en la funkci-maniero de Duolingo. Komence oni ĉesigis la kontribuadon de volontuloj, monkompensante ilin pro la farita laboro, kio signifis haltigon de la ellaborado de preparataj kursoj, interalie tiu de Esperanto por parolantoj de la mandarena. Poste, antaŭ kelkaj monatoj, la Esperanto-kursoj por parolantoj de la hispana, portugala kaj franca estis forigitaj el la ĉefpaĝoj de Duolingo, kvankam ili plu estas alireblaj per specialaj ligiloj (la kurso por parolantoj de la angla tamen ĝis nun ne estis trafita). La samo okazis almenaŭ al unu alia kurso, tiu de la gvarania por parolantoj de la hispana. Tiel la volontuloj kiuj kunkreis tiujn kursojn konstatas ke, anstataŭ disponigi, oni forarkivas ilian laboron.

La menciitan petskribon, kreitan reage al tiuj ŝanĝoj, ni invitas subteni kaj disvastigi. Ĝi estas legebla kaj subskribebla ĉe la retejo Change.org: https://www.change.org/p/for-the-duolingo-esperanto-courses-por-la-esperanto-kursoj

Paralele, oni kolektas instituciajn subtenojn al la petskribo, kiujn oni aldonos al la dokumento rekte liverota al Duolingo. Asocioj, societoj, kulturcentroj kaj aliaj neregistaraj organizaĵoj bonvolu sendi sian subtenon, subskribitan de la koncernaj respondeculoj, ĝis la 15-a de septembro rekte al la kunordiganto Patricio Iglesias (), estrarano de TEJO.

När vi år 2017 hyrde lokalen i Herrljunga och transporterade dit våra böcker och ägodelar från Esperanto-Centro i Stockholm var det tänkt att lokalen skulle användas till att sortera och registrera vårt bibliotek för att vi skulle kunna göra oss av med överflödiga dubbletter mm. Arbetet påbörjades men stannade sedan upp på grund av pandemin.

I oktober 2021 återupptogs arbetet med att gå igenom allt som kommit från EC: utställnings-, kontors- och städmaterial, diverse pärmar, ett 70-tal kartonger med böcker, tidningsurklipp, tidningsexemplar i överflöd … Ett stort antal kartonger med material som Roland Lindblom samlat på sig hade då också förts till Herrljunga.

Under 2022 och 2023 gjorde vi nio arbetspass, då vi lyckades rensa ut ovidkommande material och förbereda för transport till Malmö. Det blev 87 kartonger, böcker plus tidningar, tidningsurklipp, fotografier och en del arkivmaterial som efter genomgång ska skickas till Riksarkivet.

Klubbarna erbjöds att komma och hämta överflödigt informationsmaterial, kontorsprylar och annat som använts på EC i Stockholm. Göteborgsklubben nappade på erbjudandet och fyllde under ett besök i augusti 2022 två bilar för transport till sin lokal i Stannum.

Bokkartongerna krävde, tillsammans med bl a hyllor, bord, projektor, Whiteboardtavla mm, två turer med skåpbil till Malmö, där lokalen fylldes med kartonger i alla hörn. Ett intensivt arbete pågår med sortering och registrering av alla böcker. Boklistan på biblioteko.esperanto.se uppdateras löpande.

Vid ett sista besök i Herrljunga den 15/6 körde vi resterande skräp till återvinningsstationen och överlämnade nycklarna till hyresvärdens representant. Epoken Herrljunga är alltså avslutad.

Ann-Louise Åkerlund

Gazetaraj Komunikoj de UEA
N-ro 1114
2023-07-25

MESAĜO DE UEA OKAZE DE LA ESPERANTO-TAGO, 26 JULIO 2023

[ Mesaĝo sendita al UN. Kun afabla peto republikigi ĝin en viaj lokaj kaj landaj gazetoj, Esperantaj kaj neesperantistaj, plusendi al koncerna(j) registara(j) oficejo(j) kaj al deputitoj. Ni ankaŭ instigas al lokaj grupoj marki la tagon per loka agado. Dankon! Afiŝoj por informi pri la Esperanto-Tago 2023 estas haveblaj en multaj lingvoj en https://mallonge.net/Esperanto-Tago2023. Bonvolu libere uzi kaj disvastigi ilin. ]

En Varsovio je tiu ĉi dato en la jaro 1887, Ludoviko Zamenhof publikigis la unuan malgrandan libron kiu skizis lian novan internacian lingvon, Esperanton, kiu celis roli kiel relative facila dua lingvo por ĉiuj homoj tra la mondo. La lingvo de d-ro Zamenhof estis baldaŭ alprenita de internaciistoj ne nur en Pollando kaj najbaraj landoj sed en Ĉinio kaj Japanio, Brazilo, kaj multaj aliaj landoj. El modesta komenco ĝi kreskis en internacian movadon kiu helpis antaŭenigi pacon, kunvenigis profesiulojn en multaj fakoj, kaj evoluigis siajn proprajn literaturon kaj intelektajn interŝanĝojn.

Post kelkaj tagoj, la 108-a ĉiujara Universala Kongreso de Esperanto malfermiĝos en Torino, Italio. Pasintjare, la kongreso okazis en Montrealo, Kanado; venontan jaron ĝi okazos en Aruŝo, Tanzanio.

Esperanto estas konata elemento ĉe Unuiĝintaj Nacioj, kaj ĝiaj klopodoj por antaŭenigi kompreniĝon estas rekonitaj de Unesko. Universala Esperanto-Asocio konsideras la agnoskon de homaj rajtoj kiel esencan fundamenton de sia laboro. Ĝi kunlaboras kun ĉiuj homoj kaj organizoj de bona volo kiuj celas realigi pli pacan kaj daŭripovan mondon bazitan je internacia kompreniĝo kaj kunlaboro.

Feliĉan Esperanto-tagon!

Gazetaraj Komunikoj de UEA
N-ro 1113
2023-07-21

108-A UK EN TORINO: HIBRIDAJ PROGRAMEROJ KAJ FAKA FORUMO

Signifa parto de la programeroj de la UK en Torino estos hibridaj, tiel ke eblos partopreni defore per Zoom.

Temas precipe pri la scienca programo, nome 9 IKU-prelegoj (el kiuj 3 havos daŭrigan AIS-prelegon), 10 prelegoj de la Scienca Kafejo (okazontaj en du sesioj de po kvin prelegoj, marde kaj ĵaŭde 9:00-11:30), la Scienca Forumo vendrede, kaj la Faka Forumo merkrede. La plena programo videblas rete ĉe https://uk.esperanto.net/2023/programo, kaj la sciencaj programeroj havas apartan koloron por pli facila orientiĝo.

La IKU-prelegoj: IKU-1 (Jacobsen) kaj IKU-2 (Goes) dimanĉe, 14:00-16:40, IKU-3 (Labrie) kaj IKU-4 (Wandel) - lunde 15:50-18:00, marde okazos IKU-5 (Tonkin) 11:45-12:45 kaj IKU-6 (Barandovska-Frank) 15:15-16:15, IKU-7 (Goodall) ĵaŭde 13:30-14:30, IKU-8 (So Gilsu) kaj IKU-9 (Pennacchietti) vendrede 12:15-14:30. La Scienca Forumo (resumo de la tuta IKU-sesio) okazos vendrede je la 14:15-15:15.

La Esperantologia Konferenco (ĵaŭde kaj vendrede 9-12) estos laŭplane spektebla kaj surloke kaj defore. UEA planas ankaŭ vivelsendi la Solenan Inaŭguron (dimanĉe 10-12), la Internacian Artan Vesperon (vendrede 20-21:30), la Solenan Fermon (sabate 5.08 10-12) kaj la komitatkunsidojn (sabate 14:17:30 kaj vendrede 9-12:30).

La Faka Forumo estas programero dum la UK, dum kiu reprezentantoj de Fakaj Asocioj povas prezenti la agadon de sia asocio, proponi kunlaboron, fari sugestojn kaj interkomuniki. Por Torino same kiel en Montrealo estas proponita okazigi ĝin hibride. Por realigi tiun proponon bv. ĝis la komenco de la UK turni vin al la estrarano pri Scienca kaj Faka Agado, Amri Wandel, ĉe . Defore vi povos konektiĝi dum la Faka Forumo per Zoom (la ligilon bv. peti de Amri Wandel).

Por prezenti vian agadon dum la Faka Forumo, vi povas prepari mallongan (2-3 minutan) prezentaĵon aŭ vive prezenti ĉeeste aŭ defore per Zoom. Cele certigi la sukcesan okazigon de la Forumo, ni petas vin konfirmi vian ĉeeston, indikante vian Fakan Asocion. La Faka Forumo okazos mardon, la 1-a de aŭgusto 2023, je 17:00-18:00 CEST (loka tempo), 15:00- 16:00 UTC.

Bv. noti ke al la 108-a UK en Torino ankoraŭ eblas aliĝi ĉe https://uk.esperanto.net/2023/.

Gazetaraj Komunikoj de UEA
N-ro 1112
2023-07-20

108-A UK EN TORINO - ALVOKO POR INTERNACIA ARTA VESPERO (IAV) KAJ INTERNACIA ESPERANTO-ĤORO (IEĤ)

Partoprenu en la Internacia Arta Vespero (IAV) kaj la Internacia Esperanto-Ĥoro (IEĤ)!

En ĉi-tiu formularo - www.mallonge.net/iav23 - eblas enskribiĝi por kontribui al la Internacia Arta Vespero (IAV) aŭ partopreni en la Internacia Koruso, dum la baldaŭa 108-a Universala Kongreso de Esperanto (UK), kiu okazos en Torino. Post plenigo de la formularo oni kontaktos vin por pli da detaloj, se necese.

Internacia Arta Vespero (IAV)

Kiel en preskaŭ ĉiu UK, ankaŭ ĉi-foje okazos IAV. Estas petate, ke kandidatoj, kiuj deziras prezentiĝi en IAV, sin anoncu kaj aliĝu anticipe, por ke la organiza teamo povu antaŭ UK jam pritaksi kaj selekti la proponojn kaj ekprepari IAV-n kun la celo altigi la kvaliton de ĝiaj artaj programeroj. La selektitaj kandidatoj prezentos dum IAV (vendredo) por unu spektakleron, kies daŭro estu maksimume 8 minutoj (povas esti 2 aŭ 3 kantoj, pecoj).

Internacia Esperanto-Ĥoro
Zdravka Boytcheva gvidas la koruson kaj varme invitas la kantemulojn (ko¬rusanojn – novajn kaj malnovajn) partopreni en la provludoj dum la semajno. La koruso aktivas jam pli ol 50 jarojn. Venu esti parto de tiu ĉi unika historiaĵo!

Torino atendas nin kun brilaj eventoj, renkontiĝoj kun samideanoj el la tuta mondo, kaj novaĵoj pri la progreso de Esperanto. Estas granda ŝanco esti parto de tiu ĉi spektakla okazaĵo. Ĝis la revido dum la 108-a Universala Kongreso de Esperanto en Torino!

Gazetaraj Komunikoj de UEA
N-ro 1111
2023-07-19

LA 108-A UK EN TORINO - RETA KONGRESA LIBRO, LA KONGRESA APO

UEA ĝoje komunikas al vi pri du gravaj kaj utilaj novaĵoj, rilate al la 108-a Universala Kongreso de Esperanto, kiu okazos en la bela urbo Torino. La organizantoj estas tre zorge preparantaj diversajn rimedojn, kiuj faciligos viajn spertojn dum la kongreso.

- Unua tia faciligo estas la reta versio de la Kongresa Libro, kiu nun jam estas havebla. Oni povas trovi ĝin ĉe la retejo https://uk.esperanto.net/2023/kongresalibro. La Kongresa Libro estas tre utila fonto, kiu enhavas ĉiujn eblajn necesajn informojn pri la programo, lokoj, tempoj, kaj multe pli. Nun, dank' al la retejo, vi povas facile aliri ĝin kaj ĝui ĝian enhavon. La reta versio permesas pli facilan navigadon kaj ĝi estas tre konvena por tiuj, kiuj preferas havi ĉion elektronikforme. Aldone, tiun ĉi retan version ja povas foliumi ankaŭ homoj, kiuj ne aliĝis al la ĉi-jara UK – por eble decidi tamen veni al la kongreso venontjare. La papera versio de la Kongresa Libro estos je dispono jam rekte dum la kongreso, ĉiu partoprenonto ĝin ricevos en la akceptejo.

- Dua faciligo estas la speciala kongresa apo ĉe uk2023.esperanto.net. Ĉi tiu retejo/apo provizas multajn utilajn funkciojn por la kongresanoj. Unu el la plej utilaj funkcioj estas la eblo facile konsulti la programon. Nun vi povas rekte en via telefono porti ĉiun detalon pri ĉiu prelego, laborgrupo, ekskurso, kaj aliaj eventoj, kiuj okazos dum la kongreso.

Por aliri la apon necesas entajpi retpoŝtadreson, per kiu la kongresano aliĝis al la UK. Sekve al ĝi estos sendita unika alirkodo - kiun necesas entajpi en la apo. Post tio jam eblos apon ankaŭ “konservi” kiel ikoneton en sia telefono kaj pliaj aliĝoj ne bezonatos.
La apo disponigas klare organizitan programon, permesante al vi plani vian tempon (kaj elekti aldoni al siaj „ŝatataj“) inter la multaj interesaj programeroj: prelegoj, diskutoj, ekskursoj kaj aliaj aktivaĵoj. Sed tio ne estas la sola utila funkcio de la kongresa apo. Oni ankaŭ povos trovi tie la mapon de la kongresejo, liston de la aliĝintoj, babilejon (eblon saluti la aliajn kongresanojn), gravajn anoncojn (sciigojn de la organiza teamo al la partoprenantoj) kaj la liston de partneroj. En la supra maldekstra angulo troviĝas elŝovebla menuo kun aldonaj pluraj menueroj:
- Kongresa Libro kaj Bulteno (eblo konsulti kaj/aŭ elŝuti la Kongresan Libron kaj Duan Bultenon)
- Kongresa Kuriero (funkcios dum la kongreso)
- 109-a UK: Aruŝo 2024 (funkcios baldaŭ – aliĝilo por ontjara kongreso)

Plie, en la sama menuo oni povos trovi (en supra maldekstra angulo, klakante sian profilon tute supre) praktikajn informojn pri siaj mendoj por la kongreso: sia kongreso-numero, loĝado, alven/forir-tempoj, elektitaj programeroj. La apo estis kreita kun la atento al ties uzantamikeco, por ke ties uzado estu vere agrabla, konvena kaj samtempe facila.

UEA esperas, ke ĉi tiuj novaĵoj entuziasmigos vin kaj ke vi profitos de la reta Kongresa Libro kaj la speciala kongresa apo.

Gazetaraj Komunikoj de UEA
N-ro 1110
2023-07-16

ALVOKO POR LA ORATORA KONKURSO 2023 KADRE DE LA UK EN TORINO

Kiel parto de la 108-a Universala Kongreso de Esperanto (VK) denove okazos Oratora Konkurso por la junularo. La Oratora Konkurso celas evoluigi la Esperantan parolarton inter la junularo. Rajtas partopreni gejunuloj en TEJO-aĝo (ĝis-35-jaraj), kiuj aliĝis al la UK. Partopreno estas senpaga, sed la kandidatoj devos anonci sin minimume unu tagon antaŭ la konkurso al la Komisiono de UEA pri la Oratora Konkurso pere de Marc Giraud -  (KN 95).

La Oratora Konkurso okazos en ĵaŭdo 3-a de aŭgusto, je 10:45-11:30, en la salono Fighiera-Sikorska

La junaj oratoroj povas elekti unu el la jenaj temoj:

• Enmigrado en mian nunan loĝlandon lernigis al mi tiujn homajn valorojn:

• Mi ŝatas renkonti enmigrantojn kaj interŝanĝi kun ili ĉar…

• Kiel en/el-migrado povas plibonigi la mondon kaj disvastigi homajn valorojn?

Oni devos paroli en la Internacia Lingvo Esperanto pri la elektita temo libere kaj sen antaŭpreparita teksto, sed oni rajtos uzi memorigajn notojn. La parolado daŭros 5 ĝis 10 minutoj, depende de la kvanto da partoprenantoj. La paroladojn oni taksos el vidpunktoj enhava, lingva kaj stila, kaj laŭ la ĝenerala sinteno de la kandidato kiel oratoro.

La juĝkomisiono ĉi-jare konsistas el: Marc Giraud (prezidanto), Siru Laine (membro) kaj Michael Boris Mandirola (membro).

La juĝkomisiono aljuĝos tri premiojn: unua premio estos senpaga aliĝo al la Universala Kongreso en Arusha 2024 laŭ kategorio A en la frua aliĝperiodo aŭ kupono por la IJK 2024 en Litovio aŭ 100 eŭroj; dua premio, 75 eŭroj; kaj tria, 50 eŭroj (ĉiuj monsumoj liverotaj kiel aĉetkuponoj por la Libroservo de UEA).

La organizantoj bondeziras al la kuraĝuloj, kiuj partoprenos, kaj esperas, ke tiu ĉi kongresero estos tiel populara, kiel estas tradicie. Kompleta regularo de la konkurso troviĝas ĉe: uea.org/teko/regularoj/regularo_oratora_konkurso. Prepariĝi oni povos i.a. legante la librojn pri retoriko en Esperanto haveblaj en la Libroservo de UEA: mallonge.net/retoriko. Al la 108-a Universala Kongreso de Esperanto en Torino eblas aliĝi ĉe uk.esperanto.net/2023.