Kalendaro-kalender

ti on to fr
1
2
3
4
5
6
8
9
10
11
12
13
14
15
16
17
18
19

Om du använder den här sidan godkänner du våra användarvillkor.

Användarvillkoren finns under menyn Om oss

Kalendaro

09
jul
Zoom
Datum: 09 juli 2020
Frivilliga arbetsmöten i Zoom. Kom och gå när du vill.

11
jul
Zoom
Datum: 11 juli 2020
Frivilliga sammankomster med fokus mot bildning och lärande.

16
jul
Zoom
Datum: 16 juli 2020
Frivilliga arbetsmöten i Zoom. Kom och gå när du vill.

23
jul
Zoom
Datum: 23 juli 2020
Frivilliga arbetsmöten i Zoom. Kom och gå när du vill.

30
jul
Zoom
Datum: 30 juli 2020
Frivilliga arbetsmöten i Zoom. Kom och gå när du vill.

06
aug
Zoom
Datum: 06 augusti 2020
Frivilliga arbetsmöten i Zoom. Kom och gå när du vill.

13
aug
Zoom
Datum: 13 augusti 2020
Frivilliga arbetsmöten i Zoom. Kom och gå när du vill.

20
aug
Zoom
Datum: 20 augusti 2020
Frivilliga arbetsmöten i Zoom. Kom och gå när du vill.

27
aug
Zoom
Datum: 27 augusti 2020
Frivilliga arbetsmöten i Zoom. Kom och gå när du vill.

Tipsa oss gärna

Här lägger vi in allt möjligt som händer inom esperantovärlden, särskilt i Sverige och Norden.

Om du vill tipsa om flera händelser samtidigt

Skicka e-post till kalendaro (a) esperantoforbundet (.) se.

Använd då listan i formuläret för att få med all relevant information!

Namn och e-post för dig som lämnar uppgifterna

Info om arrangemanget

Vem arrangerar?

Ett förbund?
Klubb i

Mer info

Jag är medveten om att jag måste skicka in tips i god tid samt fylla i alla uppgifter för att inte riskera förseningar.

captcha

La EspeReto

MondaFest’ 2020: unua semajno kun riĉa programo

Gazetaraj Komunikoj de UEA
N-ro 889
2020-06-25


MONDAFEST’ 2020: UNUA SEMAJNO KUN RIĈA PROGRAMO

La Monda Festivalo de Esperanto (MondaFest’ 2020) malfermiĝis sabaton, la 20-an de junio, per la Somera Inaŭguro. La malferman ceremonion oni povas spekti i.a. per la jutubkanalo de UEA, UEAviva: youtu.be/SCMdxEIu128. Jam 2 500 homoj spektis ĝin per YouTube. Ciferojn pri la inaŭguro 24 horojn poste eblas legi ĉe revuoesperanto.org/mondafest_ciferoj. Post la inaŭguro la Festivalo anoncis plurajn okazaĵojn por la unua semajno.

Unuaj kontribuoj venis de Kanado: la Virtuala Kinejo, kun filmoj pri aktualaj temoj, kaj la festivala lanĉo de la Poŝtkarto de Espero (estu inter la unuaj 100 donacantoj!).


Kaj de la 25-a ĝis la 29-a de junio realtempe sekvu kaj partoprenu programerojn de Kontakto, KAOEM, UEA kaj Esperanto-USA.

“En Kontakto!” estas la unua sesio de pluraj babiladoj realigotaj de TEJO kaj la redaktoro de Kontakto, Rogener Pavinski. Abonu la revuon por plene ĝui: https://uea.org/alighoj/abonilo. La Tago de Azio kaj Oceanio (TAO) estas la unua kunsido de la regionaj komisionoj de UEA, kiuj proponos dum la Festivalo riĉajn tagojn omaĝe al la diversaj kulturoj de niaj mondopartoj. La 65-a AMO-seminario, programo de UEA nuntempe kunorganizata kun ILEI, proponas 5 horan programon kun partopreno el aktivuloj de pluraj landaj asocioj. Kaj NASK, la unua unusemajna evento de MondaFest’ 2020, en kiu la Prezidanto de UEA, Duncan Charters, estos instruisto de la supera kurso, komenciĝos la 29-an de junio.

Vizitu regule eventaservo.org/e/mondafest2020 kaj abonu la Festivalan Kurieron ĉe mondafest.net.



Kiel vi lernis Esperanton? Ĉu vi uzis apojn?

Karaj amikoj, kiuj apoj estas plej ofte uzataj por lerni Esperanton laŭ vi?

Katalin Kovats verkas artikolon por la nova "Manlibro pri Instruado" kaj via helpo estas petata. Nome de UEA, kunlabore kun ŝi, ni afable petas al vi respondi, plenigante tiun formularon: https://forms.gle/6gNQZmrUoLxaeQNTA. Helpu, ke la respondoj estu de diversaj aĝanoj kaj diversaj landoj.

Respondintoj ĝentile ricevos la artikolon antaŭ ol ĝi aperos oficiale. La reeldono de la Manlibro - https://katalogo.uea.org/katalogo.php?inf=7430 - estas tre atendata afero kaj vi povos riĉigi ĝin per via amika partopreno.

Ni kreis tiun afiŝon en fejsbuko: https://www.facebook.com/universala.esperanto.asocio/posts/10157816854418577. Vi povas helpi ankaŭ diskonigante tiun mesaĝon kaj la afiŝon en fejsbuko. Sama afiŝo ankaŭ videblas en tvitero de UEA: twitter.com/ueaviva.

Kore kaj admire,

Fernando Maia Jr.
Universala Esperanto-Asocio | Vicprezidanto
-
Subtenu la laboron de UEA per membriĝo:


Senpaga aliĝebleco al SEL-Skolta Esperanto-Ligo

=========================================================
GAZETARA KOMUNIKO DE SKOLTA ESPERANTO-LIGO
Kontakto: 

Dato: la 3-an de junio 2020
Temo: Senpaga aliĝebleco al SEL-Skolta Esperanto-Ligo
=========================================================

Skolta Esperanto-Ligo (SEL), internacia faka asocio fondita en 1918
kaj kunlaboranta kun UEA, decidis fari senpaga la jaran membrecon. La
estraro konsideras, ke la Ligo kalkulas je multaj volontuloj kaj la
nuntempe disponeblaj rimedoj povas kovri la kostojn de la baza agado.
La membroj povos pagi por aldonaj servoj, je la kosto. Por difinitaj
agadoj kaj konkreta bezono oni starigos kampanjon por kolektado de
laŭcelaj rimedoj.

Sen la postulo de membro-kotizoj - kaj sen la komplikaĵoj kaj
kromkostoj sendi monon ofte alikontinenten - pli da geskoltoj kaj
geskoltestroj, aktivaj kaj iamaj, povos resti informitaj kaj
kunligitaj ĉirkaŭ SEL.

Oni petas diskonigi la informon ĉar SEL celas disvastigi la skoltajn
idealojn per Esperanto kaj diskonigi kaj utiligi Esperanton inter
geskoltoj.

"Iam skolto, ĉiam skolto" oni diras. Do eĉ esperantistoj, kiuj ne plu
agadas en Skoltismo aŭ kiuj simpatias kaj apogas tiun movadon, povas
montri sian subtenon al la du ideoj per enregistriĝo en SEL. Sufiĉas
aliri ĝian retejon: http://www.skolta.org kaj plenigi la formularon.

Pri Skoltismo kaj Esperanto
=====================
En 1908, Skoltismo estis porjunulara movado iniciatita de brita
generalo Baden-Powell (1857-1941). La ideo tuj kaptis la publikon per
serio de ses broŝuroj amase disvenditaj kaj aperintaj ĉiun duan
semajnon. En unu el ili, la aŭtoro rekomendis al la skoltoj lerni
Esperanton ne nur kiel “sekretan lingvon” por skolta patrolo sed ankaŭ
ĉar “oni povas elturniĝi per ĝi en aliaj landoj” kaj “ĝiaj
lernolibretoj estas nekostaj”.

Dek jarojn poste, en 1918, Skolta Esperanto-Ligo estis fondita de
Alexander William Thomson (ps. Avoto), kiu pensis dum la milito pri
starigo de organizaĵo por favori la internacian amikecon kaj
reciprokajn servo-interŝanĝojn inter geskoltoj, kun Esperanto kiel
lingvo.

Skoltismo estas praktikata de knaboj kaj knabinoj en preskaŭ ĉiu lando
de la mondo kaj la lingvaj demandoj (kaj limigoj) estas spertataj
ankaŭ en internaciaj skoltaj organizaĵoj.

=========================================================
FINO DE LA KOMUNIKO
=========================================================

__._,_.___

Posted by: James Rezende Piton <>


Enketilo de UN

La oficejo de UEA ĉe Unuiĝintaj Nacioj tradukis enketilon de UN por la ĝenerala publiko:


Nun estas nia vico respondi al tiu enketilo kaj inviti la esperantistojn, kiujn ni reprezentas ĉi tie, respondi je ĝi.
Mi jam diris al vi, ke en ĉi tiu momento UN estas minacata de la samaj fortoj, kiuj principe  kontraŭas multflankismon kaj Esperanton. Ni bezonas la helpon de UN, sed UN  mem bezonas la helpon de ni, de la veraj tutmondistoj. Komencu la pritraktadon de la kongresa temo per tiu respondo.
Dankon!
Amike
Renato
~~~
renato corsetti
22,  St. Pancras Court, High Road, London N2 9AE, Britujo
tel. 00-44-(0)7399273515,


UEA kunlaboras pri UN-enketo rilate minoritatojn kaj lingvajn rajtojn

Gazetaraj Komunikoj de UEA
N-ro 869
2020-05-03


UEA KUNLABORAS PRI UN-ENKETO RILATE MINORITATOJN KAJ LINGVAJN RAJTOJN

Laŭ iniciato de Stefano Keller, ĉefreprezentanto de UEA ĉe UN en Ĝenevo, stariĝis laborgrupo el teamanoj de UEA ĝin reprezentantaj en la tri UN-oficejoj, inkluzive do ankaŭ tiujn en Vieno kaj Novjorko. Kunlaboras ankaŭ Renato Corsetti, intense kaj vaste agante pri la projekto. Temas pri subteno al la laboro de la Speciala Raportisto de UN pri minoritatoj, D-ro Fernand de Varennes, ĉefe koncerne lingvajn rajtojn.

D-ro de Varennes petas kontribuaĵojn al sia raporto prezentota en la venonta Ĝenerala Asembleo de UN. Li deziras scii pri la difino kaj traktado en via lando de la 4 kategorioj de malplimultoj: naciaj aŭ etnajreligiaj kaj lingvaj. Li atendas reagojn, raportojn de ŝtatoj, agentejoj de UN, regionaj kaj internaciaj organizaĵoj, landaj institucioj pri homaj rajtoj, profesoroj kaj esplor-instancoj, neregistaraj organizaĵoj (kiel UEA), kaj de individuoj, ekzemple de membroj de lingva minoritata grupo, kiuj deziras raporti al UN pri sia situacio rilate al ĉi tiu temo.

La raportoj povas inkluzivi prezentadon de iu situacio, rekomendojn kaj studojn pri apartaj problemoj. Oni povas raporti pri la maniero, kiel estas komprenataj la kvar kategorioj de minoritatoj en via lando kaj kiel oni traktas ilin. Kiujn rajtojn ties membroj havas aŭ kiujn rajtojn ili ne havas, sed devus havi. Ĉu ekzistas tiurilataj leĝoj kaj kiel oni aplikas ilin.

La celoj de tiu kunlaboro inter UEA kaj la UN-raportisto pri minoritatoj estas:

a) koncerne la minoritatojn:

- plej vaste (kaj laŭeble en la diversaj lokaj lingvoj) diskonigi la alvokon de la UN-raportisto;

- informi la koncernatojn, sed ankaŭ la ĝeneralan publikon pri la ekzisto de la eblo sendi plendon al UN pri iu situacio de rompo de lingvaj rajtoj aŭ raporti eĉ pri bonaj spertoj tiuterene;

- helpi teknike, lingve al membroj de minoritatoj en via regiono pri la realigo de tia raporto kaj pri ties sendo al UN;

b) koncerne la rolon en tio de UEA, de Esperanto kaj de la esperantistoj:

- unuflanke, ni petas de vi kunlabori en tiu agado, ekzemple per traduko de la alvoko (aŭ ties esenca parto) en vian lingvon, kaj diskonigi ĝin en ĉiu jam ekzistanta lingvoversio, sed ĉefe al vialokaj minoritataj grupoj, al via loka gazetaro ktp. La kelkaj publikaĵoj tiurilataj ekzemple en Facebook ne vere sufiĉas nek estas efikaj por atingi la koncernatojn, kiuj eble eĉ retaliron ne havas.

- aliflanke, jen okazo pruvi al UN kaj al la mondo, ke Esperanto estas utila helpa pontolingvo kaj ke ĝi ekzistas kaj utiligatas tra la tutmonda reto de siaj uzantoj kunlaboremaj. Tio pruvas ankaŭ al UN, al ĝia raportisto (kiu estas juristo, fakulo i.a. pri lingvaj rajtoj) kaj al la ne-esperantistoj nian kunlabor-pretecon kaj la viglan ekziston kaj utilon, uzeblon de la Internacia Lingvo por tutmonda kunlaboro.

UEA petas siajn Landajn Asociojn, fakajn organizaĵojn, lokajn grupojn kaj individuajn membrojn kunlabori en tiu agado: vaste diskonigi la alvokon de la UN-raportisto pri la eblo kaj temo de plendoj, per la retpaĝo, kie nun ekzistas la versioj angla: linguistic-rights.org/un/#call; franca: linguistic-rights.org/un/#appel; kaj hispana: linguistic-rights.org/un/#convocatoria de la alvoko (aliaj lingvoversioj, eble kun via helpo, sekvos).

Uzu vian retejon, blogon, dissendu gazetaran komunikon en la loka lingvo, diskonigu!

Traduko de la esenco (aŭ de la tuto) de la alvoko en aliajn lingvojn estas tre bonvena kaj estus publikigita sur tiu paĝo. La informoj, plendoj al la Speciala raportisto estas sendeblaj al la adreso de la Raportisto de UN: , en la lingvoj angla, franca aŭ hispana. Laŭbezone reprezentantoj de UEA ĉe UN klopodos helpi en lingva kontrolo aŭ trovi tradukanton de la sendenda raporto.

Por pli da detaloj, kunlaborproponoj pri traduko, raportoj kaj informoj pri diskonigo de la alvoko kontaktu nin per retmesaĝo sendenda al . Vi estas bonvenaj!

La limdato por sendi plendojn al la Speciala Raportisto de UN estas la 31-a de majo 2020.


"Kunlaboru, vaste diskonigu la alvokon kaj proponu vian kunlaboron al nia Ĝeneva teamo. Ni pruvu, montru al la mondo, ke Esperanto jes estas vaste uzata en ĉiu kontinento, kaj ĝi estas taŭga neutrala ponto-lingvo por interpopola komunikado, kunlaboro. Ni plenumu la ĉefajn statutajn celojn de UEA, utiligante Esperanton kaj proponante ĝin kiel interpopolan interparolilon, kunligilon, ĉar per ĝia utiligo en tiuj rilatoj, ni ĉiuj respektas la identecon, kulturon, lingvon de la aliaj" - alvokas Stefano Keller.



Nova projekto Aŭskultejo: libere elŝuteblaj sonlibroj kaj kantoj

Kara esperantistoj tra la mondo,

Germana Esperanto-Biblioteko enmetis en la jam anoncitan novan retejon Aŭskultejo ankaŭ kantojn –  ankaŭ tiujn de la rokmuzika grupo TEAMO. Vidu/aŭdu/musklaku:

Ni scivolas pri via opinio pri la nova retejo – kaj se vi konsentas, mi kaj Germana Esperanto-Biblioteko estos al vi tre dankemaj, se vi diskonigos la retejon en viaj gazetoj, retejoj kaj inter esperantistoj, viaj konatuloj.

Amike salutas
kaj fortan sanon al vi 
kaj al viaj proksimuloj deziras

Stano Marček
--

Stano Marček, Zvolenská 15/21,
SK-036 01 Martin, Slovakio
☎ +421 905 438031

Nova deponejo de miaj libere elŝuteblaj sonlibroj:

Aktuala oferto de mia eldonejo:
UEA-Libroservo: www.espo.link/stano

"Apo" kun mia kurso por telefonoj:

Miaj eldonaĵoj ĉe la reta libroservo Martinus (slovake):


UEA 112-JARA: KURAĜO KAJ ESPERO

Gazetaraj Komunikoj de UEA
N-ro 868
2020-04-28


UEA 112-JARA: KURAĜO KAJ ESPERO

Hodiaŭ, la 28-an de aprilo 2020, UEA festas sian 112-an naskiĝtagon. Kvankam la mondo kontraŭbatalas epidemian krizon, de nia Esperanto-komunumo ni povas tamen atendi kuraĝon kaj esperon.

Efektive tiuj du vortoj gvidas la mesaĝon de la prezidanto de UEA Duncan Charters, spektebla en la kanalo UEAviva ĉe YouTube: youtube.com/UEAviva. Kaj sama esenco ankaŭ fluas tra la pli ampleksa mesaĝo aperinta en la maja numero de la revuo Esperanto: uea.org/revuoj/esperanto.

Malgraŭ la nuntempaj sociaj defioj kaj la spontanea bezono kompati la familiojn rekte aŭ nerekte trafitajn de la koronvirusa epidemio en ĉiuj landoj de la mondo, ni devas trovi en aliaj aspektoj la kialojn por teni kuraĝon kaj esperon ne nur en nia komunumo, sed ankaŭ kiel ekzemplo al neesperantistoj.

En la pasinta sabato okazis, unuafoje en la historio virtuale, la 52-a Malferma Tago de la Centra Oficejo de UEA kaj TEJO (GK866). Tiu ĉi evento okazis rete, eksperimente, kaj samtempe semis kaj rikoltis entuziasmon kaj ĝojon. Kundivido de scio, spertoj kaj ideoj, festado de nia kulturo, dialogado kaj ĉefe tutmonda interligo de homoj eblis per la modernaj retaj rimedoj kaj digne reprezentis la spiriton de nia Asocio. Impresojn kaj opiniojn pri tiu unika evento eblas legi ĉe la grupo de UEA ĉe Facebook. Kompleta raporto aperos en la junia numero de Esperanto.

 

UEA estis fondita de Hector Hodler en 1908, kiam li estis nur 21-jaraĝa. Ĉi-jare ni ankaŭ honorigas la centjariĝon de lia forpaso. Lia juneca entuziasmo kaj liaj pensoj ankaŭ instigu teni nian flamon. Omaĝe al li UEA publikigis specialan komunikon (GK859) kaj liberigis la elŝuton de la aprila numero de la revuo Esperanto al ĉiuj interesatoj.

En la unua statuto de la Asocio Hodler skribis ke la celo de UEA estas “la plifaciligo de la ĉiuspecaj rilatoj inter diverslingvanoj kaj la kreo de fortika ligilo de solidareco inter ĝiaj anoj”. Ne hazarde la agadkampoj de UEA tuŝas la plej diversajn aspektojn de la homaro, kunlabore kun aliaj asocioj kaj grupoj, internaciaj, landaj, fakaj kaj lokaj. Ni kore rekomendas al ĉiuj esperantistoj legi almenaŭ la du gravajn verkojn pri la historio de UEA: Utila estas aliĝo kaj La Asocio. La unua donas perspektivon ankaŭ pri la historio de Hodler kaj la Libroservo de UEA proponas por ĝi specialan rabaton ĝ! is la 30- a de aprilo!

Okaze de tiu solena dato, UEA invitas ĉiujn membrojn kaj apogantojn fari donacon de 112 EUR (aŭ, se tio pli kongruas kun viaj financaj ebloj, la ekvivalento de 112 eŭroj en via loka valuto): uea.org/alighoj/donacoj/kaso. Bonvolu mencii “UEA 112-jara”. Koran dankon pro via fidela subteno! Donacoj kaj membreco (uea.org/alighoj/alighilo) estas gravaj elementoj por pluvivigo de nia Asocio. Aliflanke la homoj kaj la progreso de la homaro estas nia motoro kaj inspiro. Tial kun la necesa kuraĝo ni tenas la esperon pri la misio kaj agado de nia kolektivo.



Filmo "Vizito al la Centra Oficejo" libere spektebla

Gazetaraj Komunikoj de UEA
N-ro 865
2020-04-22


FILMO "VIZITO AL LA CENTRA OFICEJO" LIBERE SPEKTEBLA

La Malfermaj Tagoj de la Centra Oficejo de UEA kaj TEJO (mallonge MT) okazas dufoje jare, kutime en iu aprila kaj novembra sabato, ekde novembro 1994. La 52-a MT estis planita por okazi ĉeeste la 25-an de aprilo 2020, sed pro la tutmonda koronvirusa epidemio UEA devis anonci ĝian nuligon komence de marto. Tamen kiel informite en la GK864, bona novaĵo estas, ke - danke al la kunlaboro de la stabo de la Centra Oficejo, la Estraro de UEA kaj bonvolemaj anoj de nia esperantista komunumo - la 52-a MT povos ja okazi en la planita dato, sed virtuale. La proponita programo de tiu MT strebos konservi la tradiciajn elementojn de la evento kaj ĝian kutiman etoson.

De gastlibro kaj loterio ĝis rabatoj en la Libroservo de UEA kaj la atendataj prelegoj, la organiza teamo provizas rimedojn por virtuale realigi la agrablajn momentojn, kiuj okazas dum la vizito al Roterdamo kaj al la CO okaze de la malfermaj tagoj. Tial la tuta enhavo de la DVD Vizito al la Centra Oficejo, preparita dum la 23-a MT la 26-an de novembro 2005, estas nun libere spektebla en la kanalo de UEA ĉe YouTube, UEAViva: youtube.com/UEAviva (vi estas bonvena aboni la kanalon).

Kvankam la CO aspektas relative malsame en 2020, la ĉefa filmo de la DVD havas veran historian valoron: ĉar ĝi estis produktita en la jaro 2005, kiam la CO festis sian 50-jariĝon en Nederlando post translokiĝo el Britio en 1955. Per ĝi eblas kapti la esencon de la laboro de la CO por UEA kaj Esperanto. Krom la ĉefan filmon, esperantistoj povos ĝui ankaŭ la aliajn erojn de la DVD: Konciza bild-historio de la Centra OficejoBild-galerio: “Malferma tago en CO” kaj Malantaŭ la kurteno.

La referenca vendoprezo de la DVD Vizito al la Centra Oficejo estas 9,00 €. Tial ni alvokas ĉiujn subteni la aperigon de tiu materialo en nia kanalo per laŭvola -samvalora aŭ ajna- donaco al UEA. Por scii kiel sendi vian donacon vizitu: uea.org/alighoj/pagmanieroj. Donacinte, bonvolu sendi mesaĝon al  kun averto, ke via kontribuo estas por la “52-a MT”. Ni uzos la kontribuojn por donaci la fizikajn diskojn en la stoko al instruistoj kaj esperantistoj, kiuj povas utiligi tiun materialon! en sia a gado. Nia celo estas per tiu alvoko atingi la minimuman sumon de 330 €. Laŭnoma danko al donacintoj aperos en la revuo Esperanto sub la rubriko "Oficiala informilo" (por aboni la revuon membriĝu en UEA/TEJO).

La Estraro de UEA kore dankas al la eldonejo Espero, kunposedanto de la kopirajto, kiu konsentis pri la disponigo de la enhavo de la DVD, speciale por tiu virtuala MT. La programon eblas sekvi ĉe: eventaservo.org/e/mt52. La disponigo de la filmo havas apartan signifon en tiu periodo, dum kiu provizore ne eblas viziti la Centran Oficejon, kaj estas ankaŭ simbola agnosko de la valora agado de la CO, kiu daŭre laboras por la Asocio kaj la membroj, i.a. bonorde ekspedas revuojn kaj libroservajn mendojn, eĉ se en kelkaj kazoj povas okazi malfruoj pro enlandaj poŝtaj limigoj.



La Universala Kongreso en Montrealo prokrastita al la jaro 2022

Gazetaraj Komunikoj de UEA
N-ro 862
2020-04-11


LA UNIVERSALA KONGRESO EN MONTREALO PROKRASTITA AL LA JARO 2022

UEA esperas, ke ĉiuj bone fartas. La sano de la kongresanoj kaj de ĉiuj homoj estas por ni la plej alta prioritato. Post zorga konsiderado de ĉiuj aspektoj de la koronvirusa tutmonda epidemio kaj ĝiaj sekvoj, la Estraro de UEA, la Centra Oficejo, LKK kaj la kongresejo en Montrealo venis al la konkludo, ke tute ne estus sekure kaj prudente okazigi la UK-on en Montrealo en 2020. Cetere, laŭ la novaj pli striktaj reguloj de la kebekia registaro, je nia granda bedaŭro en 2020 ne eblos okazigi Universalan Kongreson de Esperanto.

Pro tio la Estraro de UEA unuanime decidis prokrasti la Universalan Kongreson en Montrealo al la jaro 2022.

Ni kore dankas al la Loka Kongresa Komitato (LKK), kiu dum jaroj obstine laboris por organizi la Kongreson kaj pretas daŭrigi la laborojn por la UK en Montrealo en la jaro 2022.

Ĉiu aliĝinto estis rekte informita de la Kongresa Fako de UEA rilate la prokraston al 2022, la aŭtomatan nuligon de mendoj kaj la repagojn.

Por ke la esperantistoj tamen havu la okazon sperti grandan internacian aranĝon en tiu ĉi jaro, estas planata virtuala evento en la monatoj julio-aŭgusto, kiun povos partopreni ankaŭ tiuj, kiuj ne planis veni al Montrealo.

Pliaj informoj pri tio aperos en sekvaj komunikoj de UEA.



Nova programo de Radio Esperanto

la 5an de aprilo aperis la 52a programo de “Radio Esperanto”
(Kaliningrado, Ruslando). Halina Gorecka rakontas pri la stato de la
koronvirusa pandemio en la plej okcidenta Ruslanda regiono. Sekvas
Esperanto-novaĵoj kaj prezento de la printempa eldono de “La Ondo de
Esperanto” kaj de la antologio “El la rusa poezio”. En la literatuta
rubriko Halina legas novelon de Paulo Sérgio Viana; fine de la programo
sonas kanzono de de Gijom Armide. Ĉi tiu kaj ĉiuj pli fruaj podkastoj de
“Radio Esperanto” estas aŭskulteblaj kaj elŝuteblaj ĉe
http://radio.esperanto-ondo.ru/  


Unu leciono pri Esperanto por ĉiu lernejano

Gazetaraj Komunikoj de UEA
N-ro 858
2020-03-29  
 
Informa kaj instrua strategio subtenata de ILEI 
 
 En la retejowww.ilei.infovi trovas la kompletan programon, inkluzive la leteron, kiu iru al decidantoj pri edukado je ĉiu nivelo (urba, provinca, kantona, ŝtata): lernejestroj, instruistoj, lingvoinstruistoj, gazetoj por instruistoj, sindikatoj por instruistoj, lertigejoj por instruistoj, universitatoj, lingvocentroj, aŭtoroj de lernolibroj, eldonistoj de lernolibroj, institutoj, kiuj okupiĝas pri edukado, plurlingvismo k.s.

Kiu donu tian lecionon? Povas esti iu esperantisto, kiu ricevas permeson eniri lernejon kaj fari la laboron. Povas esti iu instruisto, kiu helpe de la disponigita materialo prezentas Esperanton al sia klaso. Povas esti iu lernanto, studento, kiu helpe de la disponigita materialo prezentas Esperanton kaj/aŭ esploras mem cele al prezento en sia klaso/grupo.

Ni rememoru gravan parton de la dua UNESKO-rezolucio de 1985 : " UNESKO invitas la Membroŝtatojn marki la centjariĝon de Esperanto per konvenaj aranĝoj, deklaroj, eldono de specialaj poŝtmarkoj kaj simile, kaj instigi al la enkonduko de studprogramo pri la lingvo-problemo kaj pri Esperanto en siaj lernejoj kaj siaj institucioj de supera edukado. " La programo UNU LECIONO taŭgas por ĉiuj ekde la aĝo dek.

Ĉio pri la iniciato troviĝas ĉi tie:
https://www.ilei.info/agado/projektoj.php



Legu ĉiujn elekronikajn librojn de Eldonejo Libera

Pro la tutmonda krizo, ni kune kun la aŭtoroj decidis SENPAGE disponigi ĉiujn elektronikajn librojn.
Tiuj kiuj deziras, povos subteni la aŭtorojn per PayPal aŭ tra UEA (lvld-x). Vi ankaŭ povos skribi leteron al la aŭtoroj.
Ni baldaŭ publikigos iliajn adresojn en la retejo de Eldonejo Libera. http://www.eldonejolibera.be/  

Mesaĝo de Lode Van de Velde en la Facebook-grupo Esperanto



Please publish modules in offcanvas position.