Kalendaro-kalender

Om du använder den här sidan godkänner du våra användarvillkor.

Användarvillkoren finns under menyn Om oss

Kalendaro

26
sep
Zoom
Datum: 26 september 2020
Nya PMEG - vad är det? Hur köper man den?

02
okt
ABF-huset, Sveavägen 41, Skånerummet
Datum: 02 oktober 2020
Diversaj virtualaj kunvenoj somere 2020. Diskuton gvidas Tatu

16
okt
ABF-huset, Sveavägen 41, Skånerummet
Datum: 16 oktober 2020
ATEO –Ateista Organizo

17
okt
Hällskriftsgatan
Datum: 17 oktober 2020

15
nov
ABF-huset, Sveavägen 41, Skånerummet
Datum: 15 november 2020
En dags intensiv språkövning..

27
nov
ABF-huset, Sveavägen 41, Skånerummet
Datum: 27 november 2020
Ingvar gvidas diskuton

Tipsa oss gärna

Här lägger vi in allt möjligt som händer inom esperantovärlden, särskilt i Sverige och Norden.

Om du vill tipsa om flera händelser samtidigt

Skicka e-post till kalendaro (a) esperantoforbundet (.) se.

Använd då listan i formuläret för att få med all relevant information!

Namn och e-post för dig som lämnar uppgifterna

Info om arrangemanget

Vem arrangerar?

Ett förbund?
Klubb i

Mer info

Jag är medveten om att jag måste skicka in tips i god tid samt fylla i alla uppgifter för att inte riskera förseningar.

captcha

La EspeReto

Antaŭmendu la novan paperan PMEG 2020

OBS! Vill du veta mer om PMEG och diskutera en eventuell gruppbeställning för att få ner fraktpriset? Häng med på Zoom lördag 26 september kl. 11. Läs mer och anmäl dig i Kalendaro.
 
Kara esperantisto,

ĉu vi iam dubis, ĉu vi ĝuste uzas la akuzativon? Ĉu vi ne certas, kiam uzi la artikolon “la”? Ĉu vi havas iujn ajn demandojn pri la gramatiko de Esperanto?

Jen la solvo – antaŭmendu la novan eldonon de la fama Plena Manlibro de Esperanta Gramatiko – PMEG 2020!

PMEG estas la verko pri la Esperanto-gramatiko, kiu devas ne manki en via libroŝranko!

Ĝi estas verko por ordinaraj esperantistoj, kiuj volas detale studi la gramatikon, vortfaradon, skribon kaj elparolon de la Internacia Lingvo

PMEG 2020 estas profunde tralaborita eldono. En preskaŭ ĉiu sekcio ĝia aŭtoro Bertilo Wennergren faris korektojn aŭ kompletigojn, kaj iuj gravaj sekcioj estas preskaŭ tute reverkitaj laŭ novaj eltrovoj kaj ideoj.

Nur por la antaŭmendoj validas la speciala prezo de PMEG – 28€! Sendokostoj kalkuliĝas aparte.

Dum oktobro E@I presos la libron kaj tuj dissendos ĝin al la mendintoj. Do hastu – ricevu la novan PMEG jam novembre por povi donaci ĝin al iu esperantisto (aŭ rekte al vi mem)!

Aldone vi ricevos ankaŭ PDF-version de la libro por ĉiam havi ĝin en via poŝo – plene senpage!

Eksciu pli pri la papera PMEG 2020 kaj antaŭmendu vian libron ĉe pmeg.ikso.net!

Antaŭgoje pri via antaŭmendo,

La E@I-teamo

 



PREMIO al Bertilo Wennergren

Gazetaraj Komunikoj de UEA
N-ro 907
2020-09-11


PREMIO 2020 DE FONDAĴO ANTONI GRABOWSKI AL BERTILO WENNERGREN

La Fondaĵo Antoni Grabowski (FAG) estis kreita sur la bazo de grandanima donaco de Adam Goralski (1912–2005). Ĝia regularo estis novformulita en 2017. La fondaĵo, portanta la nomon de “la patro de la Esperanta poezio” Antoni Grabowski, celas subteni la Esperantan kulturon per premioj kaj subvencioj. La Juĝkomisiono de FAG, kiu de 1984 aljuĝas premiojn ĉiun duan aŭ trian jaron, nun konsistas el Jesper Lykke Jacobsen, István Ertl kaj Mariana Evlogieva. La administradon de la Fondaĵo prizorgas la Centra Oficejo de UEA.

Kadre de la Monda Festivalo de Esperanto (MondaFest’ 2020) ni sciigas per tiu ĉi komuniko la ĉi-jaran premion de Fondaĵo Antoni Grabowski.

La unua (kaj sola) premio (800 usonaj dolaroj) iras al Bertilo Wennergren (Svedio/Germanio). Li ricevas ĝin pro siaj elstaraj kontribuoj al esperantologio. Per sia Plena Manlibro de Esperanta Gramatiko, kiu en sia reta versio (bertilow.com/pmeg) staras jam je la 15-a versio, li kreis novan referencon por priskriba esperanta gramatiko. Uzante novigan, simplan terminologion kaj abundajn ekzemplojn el kvalitaj fontoj, tiu verko klarigas al komencantoj kaj al specialistoj ĉiujn aspektojn de la Esperanto-gramatiko. Wennergren krome kreis la retpaĝon Tekstaro (tekstaro.com), kiu ebligas la traserĉon kaj komparon de vasta literatura kaj gazetara tekstaro de pli ol 10 milionoj da vortoj. Temas pri grava ilo por la analizo de la efektiva lingvouzo kaj ĝia evol! uo. Akade miano de 2001, Wennergren deĵoris kiel direktoro de la sekcioj pri Gramatiko kaj pri la Ĝenerala Vortaro. En tiu lasta funkcio li iniciatis kaj subskribis la 9-an Oficialan Aldonon al la Universala Vortaro en 2007.




LA UNUA VIRTUALA KONGRESO DE ESPERANTO

LASTA ŜANCO ALIĜI KAJ SPEKTI LA UNUAN VIRTUALAN KONGRESON DE ESPERANTO: ĜIS LA 20-A DE SEPTEMBRO

Se vi ne jam spertis la Virtualan Kongreson de Esperanto (VK) aŭ ŝatus (re)spekti programerojn, jen la lasta ŝanco: por ebligi al ĉiuj partopreni tiun unikan virtualan festenon de Esperanto, UEA plilongigis la unikan VK-sperton ĝis la fino de la Monda Festivalo de Esperanto (MondaFest’ 2020), la 20-an de septembro. Tiu invito validas por ĉiuj, ankaŭ tiuj kiuj ankoraŭ ne estas membroj de UEA. VK-aliĝintoj povas normale aliri la virtualan kongresejon per vk.retevent.com. Novaj aliĝantoj bv. uzi la retan aliĝilon: vk.mondafest.net. La aliĝkotizoj estas simbolaj por individuaj membroj de UEA kaj varias laŭ lando: 20, 10 kaj 5 EUR por landkategorioj 5, 4 kaj 3, resp! ektive, k aj nulo por landkategorioj 1 kaj 2 laŭ la kotizo-sistemo de UEA. Per la sama aliĝilo eblas aliĝi ne nur al la VK, sed ankaŭ al UEA. Ĉiuj bonvenas subteni la laboron de la Asocio per aliĝo. Se iu havas problemon pagi la aliĝkotizon, bv. skribi al la adreso .

La speciala platformo de la VK ebligas al la partoprenantoj inteligente serĉi apartajn programerojn per nomo, prezentanto, kategorio. Entute disponeblas 140 spektaĵoj. Esploru: vk.retevent.com/programo. Enirante programeron, vi spertos ĝin same kiel ĝi okazis dum la realtempa kongreso, vi povos vidi la lastatempajn komentojn kaj mem afiŝi novajn en la babilejo. Daŭre funkcias la “konstantaj” vidbabilejoj “Koridoro”, “Kafejo” kaj “Librejo” por renkontiĝo de kongresanoj.

Jam aliĝis 1863 personoj el 95 landoj: vk.mondafest.net/aliĝintoj. Ili ĝuis plej varian programon, inkluzive de ne nur tradiciaj UK-programeroj, sed ankaŭ novspecaj spertoj: centoj da virtualaj ĉambroj “vidbabilejoj”, kie okazis liberaj kunvenoj, pli ol 20 prezentoj de aŭtoroj kaj eldonejoj dum Aŭtoraj Momentoj kaj Libroj de la Jaro, ok virtualaj ekskursoj al diversaj mondpartoj, sep virtualaj koncertoj de konataj E-muzikistoj, 11 sciencaj prelegoj kadre de la Internacia Kongresa Universitato kaj la Scienca Kafejo, plurnivelaj Esperanto-kursoj, kunmanĝado tra la mondo, aŭkcio kaj multaj pli. Bunta ĉiutaga raportado dum la VK estas daŭre videbla en la Festivala Kuriero. Vi bonvenas aboni ĉe mondafest.net/kuriero.!

Plej bone esprimas nian laboron spite de la pandemio la vortoj de Humphrey Tonkin, honora prezidanto de UEA: "La Universala Kongreso de Esperanto ne okazas... Sed okazis io alia – iu mirakla transformiĝo. La esperantistoj kunvenas en senprecedencaj nombroj perrete. Al la ĵusa Virtuala Kongreso de Esperanto aliĝis duobla nombro de kongresanoj kompare kun la nombro kiun oni atendis en Montrealo antaŭ la nuligo de la Universala Kongreso. Miloj da homoj ligiĝas virtuale trans la landaj kaj kontinentaj limoj."

Via aliĝo helpos al UEA konstrui la venontajn Virtualajn aŭ Hibridajn Kongresojn, tamen restas nur du semajnoj por sperti la unuan. Aliĝu ankaŭ vi, bonvenon (re)sperti la VK-on!



Kie estas la Duolingo-lernintoj?

Saluton samideanoj!

Tre ofte en Esperantujo oni demandas kie estas tiuj homoj kiuj lernis Esperanton per Duolingo.
Por respondi al tiu demando, nia junulara sekcio, TEJO, publikigis novan filmeton pri la Duolingo-generacio.

Duolingo-lernintoj estas ankaŭ inter ni.
En UEA du komitatanoj estas Duolingo-lernintoj, en TEJO temas pri eĉ pli granda kvanto, kaj du el ili oficos ekde septembro en la estraro de TEJO kiel prezidanto kaj vicprezidanto.
Mi varme invitas vin spekti kaj poste diskonigi la filmeton.

Samideane,
Marko
_._,_._,_


FILIPINA ESPERANTO-JUNULARO FESTOS SIAN 7-AN DATREVENON

Filipina Esperanto-Junularo: datrevena festo, nuntempaj kaj venontaj iniciatoj

Karaj amikoj kaj kolegoj,

Kvankam ĉiuj estas okupitaj dum la kongresa sezono, mi tamen kaptas la oportunon por informi pri la nuntempaj kaj venontaj iniciatoj de Filipina Esperanto-Junularo (FEJ).

FILIPINA ESPERANTO-JUNULARO FESTOS SIAN 7-AN DATREVENON

FEJ festos sian 7-an datrevenon je la 19-a de septembro 2020! Kvankam la nuntempa movado aktivas nur 7 jarojn, kiu estas relative mallonga tempo, ni efektive fariĝis la plej longdaŭra movado en Filipinoj ekde kiam la unuaj spuroj de organizita movado aperis en la lando en 1907. En tiuj jaroj, FEJ kreis diversformajn iniciatojn por naski novajn esperantistojn kaj alporti ilin kiel junajn fortojn de la internacia movado. Pro la reta alireblo de la kongresoj, FEJ lastatempe sukcesis atingi kelkajn novajn rekordojn: interalie, la partopreno de 14 filipinaj esperantistoj en la reta Internacia Junulara Kongreso (IJK), en kiu neniam antaŭe reprezentiĝis la lando en la 76-jara historio de la kongreso.

Kadre de tio, FEJ okazigos kelkajn eventojn, ĉiujn en la interreto, en aŭgusto kaj septembro 2020. Okazos prelegoj, enkondukaj kursoj pri Esperanto, kultura programo, ktp. 

Por pli bone informiĝi pri niaj venontaj eventoj, vizitu la koncernan paĝon (daŭre ĝisdatigatan) en Eventa Servo: https://eventaservo.org/e/fej7jara.

Mi aparte reklamas nian unuan eventon:

"FEJ 7-Jara: #PorNovaFEJ - Inaŭguro", kiu okazos je la 15-a de aŭgusto 2020, 09:00 ĝis 12:00 UTC
Formala inaŭguro de la datrevena festado kaj prezento de la eventoj, kun la prelegoj de Albert Stalin Garrido, Carl Dizon, kaj Andrea Marie Dobles. Okazos ankaŭ paneldiskuto inter filipinaj junuloj pri lingvolernado dum la pandemio kaj kelkaj kulturaj prezentoj. 

Ĝi okazos per Zoom; por ricevi detalojn por aliri la eventon, aliĝu per la jena ligilo: bit.ly/FEJ7jara01


FILIPINA ESPERANTO-JUNULARO PREZENTAS SIN ĈE LA VIRTUALA MOVADA FOIRO

Ekde lundo ĝis vendredo, FEJ ĉiutage aperas kadre de la Virtuala Movada Foiro dum la Virtuala Kongreso (VK). Ni aperas kaj prezentas nian agadon de 10:00 ĝis 11:00 UTC. Se vi Interesiĝas pri nia agado kaj iomete da historio, venu, aŭskultu la prezenton, kaj havu ankaŭ la oportunon babili aŭ demandi pri la organizo kaj Filipinoj ĝenerale. 

Ni atendas vian ĉeeston!


photo
Albert Stalin T. Garrido
National Chairperson, Philippine Esperanto Youth

+639982491891 | 

Quezon City, Philippines




Enketo pri membreco en UEA/TEJO kaj monataj pagoj


image.png

La estraroj de UEA kaj TEJO diskutas la eblon enkonduki monatan membrecon en la organizoj. Ĉiuj esperantistoj, ĉu membro de UEA/TEJO aŭ ne, estas bonvenaj esprimi sin pri la temo, plenigante tiun ĉi enketon pri la avantaĝoj de membreco kaj pagmanieroj por iĝi membro de UEA/TEJO:

https://forms.gle/8AUMCbGD8vGs8N4o7

Por ricevi kiel eble plej akuratan reprezenton de la sintenoj inter la esperantistoj, ni afable petas al ĉiuj vaste diskonigi la enketon. Koran dankon!


Fernando Maia Jr.
Universala Esperanto-Asocio | Vicprezidanto


#mondafest2020 Omaĝe al Júlia Sigmond

image.png

#mondafest2020 Omaĝe al Júlia Sigmond: Hodiaŭ, la 11-a de julio, estas la naskiĝdatreveno de la ruman-hungara verkistino, redaktorino kaj pupteatra aktorino Júlia Sigmond, forpasinta ĉi-jare, pro la nuntempa pandemio, la 23-an de marto. Ŝia lasta naskiĝdatreveno, pasintjare, estis la 90-a, kaj "90" estas la titolo de la lasta rakontkolekto kiun ŝi publikigis (https://katalogo.uea.org/katalogo.php?inf=9751): ĝin konsistigas mallongaj rakontoj, leteroj, memoroj, pripensoj, kiuj mozaike skizas multfacetan portreton de la Aŭtorino.

Kiel eta omaĝo en la tago de ŝia naskiĝdatreveno, en la 11-a tago de julio, en la suba ludlisto disponeblas 11 sonregistritaj rakontoj el "90":
https://soundcloud.com/saraspano/sets/julia-sigmond-rakontkolekto-90

Voĉlegis por vi, kaj voĉlegos pliajn dum la venontaj semajnoj, Sara Spanò. Aŭskultu ilin por interkonatiĝi kun Júlia, kun fragmentoj de ŝia vivo, kun ŝiaj pensoj; aŭskultu ilin por vidi la mondon tra la speciala prismo de ŝia verkado.

Originale ĉe https://revuoesperanto.org/Julia_Sigmond

Ankaŭ ĉe: https://www.facebook.com/universala.esperanto.asocio/posts/10157932815298577

Via diskonigo bonvenas!

Kore,

Fernando Maia Jr.
Universala Esperanto-Asocio | Vicprezidanto
-
Subtenu la laboron de UEA per membriĝo:


MondaFest’ 2020: unua semajno kun riĉa programo

Gazetaraj Komunikoj de UEA
N-ro 889
2020-06-25


MONDAFEST’ 2020: UNUA SEMAJNO KUN RIĈA PROGRAMO

La Monda Festivalo de Esperanto (MondaFest’ 2020) malfermiĝis sabaton, la 20-an de junio, per la Somera Inaŭguro. La malferman ceremonion oni povas spekti i.a. per la jutubkanalo de UEA, UEAviva: youtu.be/SCMdxEIu128. Jam 2 500 homoj spektis ĝin per YouTube. Ciferojn pri la inaŭguro 24 horojn poste eblas legi ĉe revuoesperanto.org/mondafest_ciferoj. Post la inaŭguro la Festivalo anoncis plurajn okazaĵojn por la unua semajno.

Unuaj kontribuoj venis de Kanado: la Virtuala Kinejo, kun filmoj pri aktualaj temoj, kaj la festivala lanĉo de la Poŝtkarto de Espero (estu inter la unuaj 100 donacantoj!).


Kaj de la 25-a ĝis la 29-a de junio realtempe sekvu kaj partoprenu programerojn de Kontakto, KAOEM, UEA kaj Esperanto-USA.

“En Kontakto!” estas la unua sesio de pluraj babiladoj realigotaj de TEJO kaj la redaktoro de Kontakto, Rogener Pavinski. Abonu la revuon por plene ĝui: https://uea.org/alighoj/abonilo. La Tago de Azio kaj Oceanio (TAO) estas la unua kunsido de la regionaj komisionoj de UEA, kiuj proponos dum la Festivalo riĉajn tagojn omaĝe al la diversaj kulturoj de niaj mondopartoj. La 65-a AMO-seminario, programo de UEA nuntempe kunorganizata kun ILEI, proponas 5 horan programon kun partopreno el aktivuloj de pluraj landaj asocioj. Kaj NASK, la unua unusemajna evento de MondaFest’ 2020, en kiu la Prezidanto de UEA, Duncan Charters, estos instruisto de la supera kurso, komenciĝos la 29-an de junio.

Vizitu regule eventaservo.org/e/mondafest2020 kaj abonu la Festivalan Kurieron ĉe mondafest.net.



Kiel vi lernis Esperanton? Ĉu vi uzis apojn?

Karaj amikoj, kiuj apoj estas plej ofte uzataj por lerni Esperanton laŭ vi?

Katalin Kovats verkas artikolon por la nova "Manlibro pri Instruado" kaj via helpo estas petata. Nome de UEA, kunlabore kun ŝi, ni afable petas al vi respondi, plenigante tiun formularon: https://forms.gle/6gNQZmrUoLxaeQNTA. Helpu, ke la respondoj estu de diversaj aĝanoj kaj diversaj landoj.

Respondintoj ĝentile ricevos la artikolon antaŭ ol ĝi aperos oficiale. La reeldono de la Manlibro - https://katalogo.uea.org/katalogo.php?inf=7430 - estas tre atendata afero kaj vi povos riĉigi ĝin per via amika partopreno.

Ni kreis tiun afiŝon en fejsbuko: https://www.facebook.com/universala.esperanto.asocio/posts/10157816854418577. Vi povas helpi ankaŭ diskonigante tiun mesaĝon kaj la afiŝon en fejsbuko. Sama afiŝo ankaŭ videblas en tvitero de UEA: twitter.com/ueaviva.

Kore kaj admire,

Fernando Maia Jr.
Universala Esperanto-Asocio | Vicprezidanto
-
Subtenu la laboron de UEA per membriĝo:


Senpaga aliĝebleco al SEL-Skolta Esperanto-Ligo

=========================================================
GAZETARA KOMUNIKO DE SKOLTA ESPERANTO-LIGO
Kontakto: 

Dato: la 3-an de junio 2020
Temo: Senpaga aliĝebleco al SEL-Skolta Esperanto-Ligo
=========================================================

Skolta Esperanto-Ligo (SEL), internacia faka asocio fondita en 1918
kaj kunlaboranta kun UEA, decidis fari senpaga la jaran membrecon. La
estraro konsideras, ke la Ligo kalkulas je multaj volontuloj kaj la
nuntempe disponeblaj rimedoj povas kovri la kostojn de la baza agado.
La membroj povos pagi por aldonaj servoj, je la kosto. Por difinitaj
agadoj kaj konkreta bezono oni starigos kampanjon por kolektado de
laŭcelaj rimedoj.

Sen la postulo de membro-kotizoj - kaj sen la komplikaĵoj kaj
kromkostoj sendi monon ofte alikontinenten - pli da geskoltoj kaj
geskoltestroj, aktivaj kaj iamaj, povos resti informitaj kaj
kunligitaj ĉirkaŭ SEL.

Oni petas diskonigi la informon ĉar SEL celas disvastigi la skoltajn
idealojn per Esperanto kaj diskonigi kaj utiligi Esperanton inter
geskoltoj.

"Iam skolto, ĉiam skolto" oni diras. Do eĉ esperantistoj, kiuj ne plu
agadas en Skoltismo aŭ kiuj simpatias kaj apogas tiun movadon, povas
montri sian subtenon al la du ideoj per enregistriĝo en SEL. Sufiĉas
aliri ĝian retejon: http://www.skolta.org kaj plenigi la formularon.

Pri Skoltismo kaj Esperanto
=====================
En 1908, Skoltismo estis porjunulara movado iniciatita de brita
generalo Baden-Powell (1857-1941). La ideo tuj kaptis la publikon per
serio de ses broŝuroj amase disvenditaj kaj aperintaj ĉiun duan
semajnon. En unu el ili, la aŭtoro rekomendis al la skoltoj lerni
Esperanton ne nur kiel “sekretan lingvon” por skolta patrolo sed ankaŭ
ĉar “oni povas elturniĝi per ĝi en aliaj landoj” kaj “ĝiaj
lernolibretoj estas nekostaj”.

Dek jarojn poste, en 1918, Skolta Esperanto-Ligo estis fondita de
Alexander William Thomson (ps. Avoto), kiu pensis dum la milito pri
starigo de organizaĵo por favori la internacian amikecon kaj
reciprokajn servo-interŝanĝojn inter geskoltoj, kun Esperanto kiel
lingvo.

Skoltismo estas praktikata de knaboj kaj knabinoj en preskaŭ ĉiu lando
de la mondo kaj la lingvaj demandoj (kaj limigoj) estas spertataj
ankaŭ en internaciaj skoltaj organizaĵoj.

=========================================================
FINO DE LA KOMUNIKO
=========================================================

__._,_.___

Posted by: James Rezende Piton <>


Please publish modules in offcanvas position.